معروف کرکٹ کھلاڑی گوتم گمبھیر کا سکما میں شہید جوانوں کے بچوں کی پڑھائی کا خرچ اٹھانے کا اعلان

ٹیم انڈیا کے سابق سلامی بلے باز اور کولکاتہ نائٹ رائیڈرس کی کپتان گوتم گمبھیر سکما میں نکسلی حملے میں شہید سی آر پی ایف جوانوں کے کنبہ کی مدد کے لئے آگے آئے ہیں۔ انہوں نے شہید کے تمام 25 جوانوں کے بچوں کی پڑھائی کا خرچ اٹھانے کا اعلان کیا ہے۔ یہ نیک کام وہ وہ گوتم گمبھیر فاؤنڈیشن کے ذریعہ انجام دیں گے۔ یہی نہیں اس کام کی پیش رفت کے بارے میں بھی لگاتار وہ معلومات بھی دیتے رہیں گے۔

ہندوستان ٹائمز کے لئے لکھے اپنے کالم میں انہوں نے کہا کہ میں نے بدھ کی صبح اخبار اٹھایا تو دو شہید سی آر پی ایف جوانوں کی بیٹیوں



کی تصاویر دیکھیں۔ پہلی تصویر میں بیٹی اپنے شہید والد کو سیلوٹ کر رہی تھی، جبکہ دوسری تصویر میں شہید کے رشتہ دار نوجوان لڑکی تعزیت کر رہے تھے۔

آئی پی ایل -10 میں غضب کے فارم میں چل رہے اس بلے باز نے لكھا کہ 'گوتم گمبھیر فاؤنڈیشن ان شہیدوں کے بچوں کی مکمل تعلیم کی ذمہ داری لے رہا ہے۔ میری ٹیم نے اس پر کام بھی شروع کر دیا ہے۔ اس کام کی پیش رفت کے بارے میں جلد ہی میں بتاوں گا۔

رائزنگ پونے سپرجائنٹس کے خلاف بدھ کی رات کھیلے گئے میچ میں گوتم گمبھیر نے کلائی پر شہید سی آر پی ایف جوانوں کے اعزاز میں سیاہ پٹی باندھ رکھی تھی۔